อาสววิปฺปยุตฺตํ สาสวํ อกุสลํ ธมฺมํ ปฏิจฺจ อาสววิปฺปยุตฺโต นอนาสโว นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

อาสววิปฺปยุตฺตํ สาสวํ อพฺยากตํ ธมฺมํ ปจฺจยา อาสววิปฺปยุตฺโต นสาสโว นอพฺยากโต ธมฺโม อุปฺปชฺชติ เหตุปจฺจยาฯ อาสววิปฺปยุตฺตํ สาสวํ อพฺยากตํ ธมฺมํ ปจฺจยา อาสววิปฺปยุตฺโต นอนาสโว นอพฺยากโต ธมฺโม อุปฺปชฺชติ เหตุปจฺจยา… เหตุยา ทฺเวฯ

อาสวโคจฺฉกํ นิฏฺฐิตํฯ

20-54-1. สญฺโญชนาทิทุกานิ-กุสลตฺติกํ

[46] โนสญฺโญชนํ กุสลํ ธมฺมํ ปฏิจฺจ โนสญฺโญชโน นกุสโล ธมฺโม อุปฺปชฺชติ เหตุปจฺจยา…เป.… โนคนฺถํ กุสลํ ธมฺมํ ปฏิจฺจ โนคนฺโถ นกุสโล ธมฺโม อุปฺปชฺชติ เหตุปจฺจยา…เป.… โนโอฆํ กุสลํ ธมฺมํ ปฏิจฺจ โนโอโฆ นกุสโล ธมฺโม อุปฺปชฺชติ เหตุปจฺจยา…เป.… โนโยคํ กุสลํ ธมฺมํ ปฏิจฺจ โนโยโค นกุสโล ธมฺโม อุปฺปชฺชติ เหตุปจฺจยา…เป.… โนนีวรณํ กุสลํ ธมฺมํ ปฏิจฺจ โนนีวรโณ นกุสโล ธมฺโม อุปฺปชฺชติ เหตุปจฺจยา…เป.… โนปรามาสํ กุสลํ ธมฺมํ ปฏิจฺจ โนปรามาโส นกุสโล ธมฺโม อุปฺปชฺชติ เหตุปจฺจยาฯ

55-1. สารมฺมณทุก-กุสลตฺติกํ

[47] สารมฺมณํ กุสลํ ธมฺมํ ปฏิจฺจ นสารมฺมโณ นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

สารมฺมณํ อกุสลํ ธมฺมํ ปฏิจฺจ นสารมฺมโณ นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

อนารมฺมณํ อพฺยากตํ ธมฺมํ ปจฺจยา นอนารมฺมโณ นอพฺยากโต ธมฺโม อุปฺปชฺชติ เหตุปจฺจยาฯ เหตุยา เอกํฯ

56-1. จิตฺตทุก-กุสลตฺติกํ

[48] จิตฺตํ กุสลํ ธมฺมํ ปฏิจฺจ นจิตฺโต นกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

จิตฺตํ อกุสลํ ธมฺมํ ปฏิจฺจ นจิตฺโต นอกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

โนจิตฺตํ อพฺยากตํ ธมฺมํ ปจฺจยา นโนจิตฺโต นอพฺยากโต ธมฺโม อุปฺปชฺชติ เหตุปจฺจยา… เหตุยา ตีณิฯ

57-1. เจตสิกทุก-กุสลตฺติกํ

[49] เจตสิกํ กุสลํ ธมฺมํ ปฏิจฺจ นเจตสิโก นกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

เจตสิกํ อกุสลํ ธมฺมํ ปฏิจฺจ นเจตสิโก นอกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

อเจตสิกํ อพฺยากตํ ธมฺมํ ปจฺจยา นอเจตสิโก นอพฺยากโต ธมฺโม อุปฺปชฺชติ เหตุปจฺจยา… เหตุยา ตีณิฯ

58-1. จิตฺตสมฺปยุตฺตทุก-กุสลตฺติกํ

[50] จิตฺตสมฺปยุตฺตํ กุสลํ ธมฺมํ ปฏิจฺจ นจิตฺตสมฺปยุตฺโต นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

จิตฺตสมฺปยุตฺตํ อกุสลํ ธมฺมํ ปฏิจฺจ นจิตฺตสมฺปยุตฺโต นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ (อพฺยากตมูลํ ตีณิเยว ปจฺจยวเสนฯ)

59-1. จิตฺตสํสฏฺฐทุก-กุสลตฺติกํ

[51] จิตฺตสํสฏฺฐํ กุสลํ ธมฺมํ ปฏิจฺจ นจิตฺตสํสฏฺโฐ นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

จิตฺตสํสฏฺฐํ อกุสลํ ธมฺมํ ปฏิจฺจ นจิตฺตสํสฏฺโฐ นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ (อพฺยากตมูลํ ตีณิเยว ปจฺจยวเสนฯ)

60-1. จิตฺตสมุฏฺฐานทุก-กุสลตฺติกํ

[52] จิตฺตสมุฏฺฐานํ กุสลํ ธมฺมํ ปฏิจฺจ นโนจิตฺตสมุฏฺฐาโน นกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ